طريقة رائعة للبياض وازالة الشقوق (تفضلو)

طريقة رائعة للبياض وازالة الشقوق اااااتفضلواااااااا

عندي لكم طريقة لو تابعتيها راح تلاحظي فرق كبير ازالة الشقوق مع تفتيح ان شاء الله
بس تحتاج انك لازم تسوينها كل يوم او مع كل حمام عشان تحصلين على نتيجه مرضيه

الاحتياجات هي:-

1- زيت جلسرين ويفضل تخلطينه مع زيت جنين القمح وزيت اللوز المر

-صابون مغربي وتقدرين تستبدلينه بـ (صابون الغار- صابون البابايا- صابون مغربي بلدي)

3-صنفرة كاب

-ملح الحليب يوكو سبا

-ليفه البودي شوب أو جيس حمام مغربي

قبل لا تسبحين ادهني جسمك بزيت الجلسرين قبل الشاارو بساعتين أو ساعه على حسب استطاعتك
وبالويك اند اذا حابه تسبحين وتمزجين بسبوحك ادهنيه على جسمك بالليل ولبسي بجامه قطنيه ماتبينها عشان لاتتدمر بالدهن وتوهقين وتكونين مخصصتها حق هالشي .. وعلى فكره زيت الجلسرين وزيت جنين القمح أفضل علاج لإزالة تشققات البشره والخطوط البيضه ولو ان كل حامل تدهن بطنها بهالخلطة من بداية أشهر الحمل الى نهايتها ماتطلع التشققات أو كلف الحمل على منطقة البطن ..

((هذي معلومه مني لكم))

وأول ماتدخلين الحمام وانتو بكرامه رشي نفسك بشوية مويه حاره وحطي الصابون المغربي

وهو بجسمك فركي جلدك بالليفه وخليه شوي وبعدها غسليه بالماء

وبعدها حطي سنفرة كريم كاب وفركي بيدك واستمري بالتفريك لمده 3دقايق وبعدها حطي فوق السنفره ملح الحليب أو أي

نوع تفضلينه من أملاح اليوكو الرائده في تفتيح وتنعيم البشره

وألبسي الليفه أو جيس الحمام وفركي الملح بس أنتبهي تشدين عشان لاتجرحين الجلد وأصبري دقيقتين وأغسلي

جسمك بالماء الدافي وبعدها البارد عشان تنشد البشره وتحركين الدوره الدمويه

وتحممي عادي واطلعي وبتشوفين الفرق من اول استخدام بالنعومه والنظافه والبياض

ولاتنسين ترطبين جلدك بكريم يحمل خاصية الترطيب والتبييض أو كريم بخلاصة البابايا لأن البابايا تحتوي على نسبة عاليه جدا من فيتامينC أو أي لوشن يحتوي على فيتامين C أو Eعشان تبيض البشره بمدة قصيره وتحافظين عليها ناعمه ومشدوده

وهذي الخلطه مايبي لها الا المداومه وتصلح للعرايس والنفاس تطلع من الاربعين تلق لق ,,

واتمنى انها تحوز على رضاكم

وتحياااااااااااااااااااتي لكم مع ودي

مع تحياتى
القطة الصغيرة CAT